Albisteak
ELIKAGAIEN PREZIO ALTUEK ARRISKUAN JARTZEN DITUZTE AFRIKAKO HAZKUNDE EKONOMIKOA ETA SEGURTASUNA
[2008-04-30]Afrikako ekonomia-ministroak Addis Abeban (Etiopia) bildu ziren, eta bilera horretan, elikagaien prezio altuekiko kezka adierazi zuten; izan ere, prezio altuek kalte handia egiten diete herrialderik eta pertsonarik pobreenen egonkortasunari eta hazkunde ekonomikoari, baina baita Afrikako bakeari eta segurtasunari ere.
Ministroek prezio-igoera horren eraginak arintzeko neurriak aztertzea erabaki zuten, eta herrialde bakoitzak bere ekoizpena handitzeko aukera aztertzea.
2008an, Afrikako ekonomiaren hazkunde-aurreikuspena %6,2 ingurukoa da. 2007ko %5,8 baino handiagoa da, nahiz eta kontinente horretako egiturazko hutsuneak oso larriak izan. Hazkunde horren arrazoi nagusia lehengaien prezioen igoera da. Hala ere, nazioartean ere elikagaien prezioak gora ari dira, eta hori arrisku handia da Afrikako ekonomiarentzat.
